“OPEC Plus” i jep tronditje të madhe  Amerikës

Dështimi i aleatëve të Amerikës në grupin e ashtuquajtur “OPEC Plus” për të rënë dakord me politikat e këtij vendi dhe marrëveshja e grupit për uljen e prodhimit të naftës me 2 milionë fuçi në ditë, shkaktoi një tronditje të madhe në qeverinë amerikane.

Sipas Iran Press Neës Agency, vendet anëtare të OPEC+ ranë dakord të mërkurën në takimin e tyre të 33-të për të reduktuar prodhimin prej 2 milionë fuçi nafte në ditë, pavarësisht presionit të Shteteve të Bashkuara për të prodhuar më shumë naftë. Zëdhënësja e Shtëpisë së Bardhë Karine Jean-Pierre e kritikoi këtë vendim të OPEC+, duke e quajtur atë një shenjë përafrimi me Rusinë. “Joe Biden”, presidenti i Shteteve të Bashkuara, shprehu gjithashtu zhgënjimin e tij për vendimin e OPEC+ për të ulur prodhimin e naftës, duke e quajtur atë dritëshkurtër. Të martën, para takimit të OPEC+, Shtëpia e Bardhë, teksa shprehu shqetësimin për vendimin e grupit për të ulur prodhimin e naftës, paralajmëroi se ky veprim do të shkaktonte shumë probleme për Shtetet e Bashkuara.  Shtëpia e Bardhë e ka quajtur një vendim të tillë një fatkeqësi të plotë për Amerikën. Çmimet e karburanteve në Shtetet e Bashkuara muajt e fundit janë rritur në mënyrë të paprecedentë pas vendosjes së sanksioneve të reja nga ky vend dhe Bashkimi Evropian kundër Rusisë. Kjo rritje e mprehtë e çmimeve të karburanteve, si dhe rritja e inflacionit, ka nxitur zemërimin dhe protestën e popullit amerikan.