Pasi goditi Kievin, Putin paralajmëron seriozisht Ukrainën

Ushtria ruse goditi Kievin dhe qytetet e tjera të Ukrainës të hënën ndërsa presidenti rus Vladimir Putin paralajmëroi një përgjigje "të ashpër" në rast të ndonjë sulmi të mëtejshëm si ai në Urën e Krimesë.

Zyrtarët e policisë së Kievit thonë se shpërthimet shkaktuan të paktën pesë të vdekur dhe dymbëdhjetë të plagosur atje, por nuk ka detaje rreth viktimave në qytete të tjera. Ushtria ruse goditi gjithashtu disa qytete të tjera duke përfshirë Lviv, Zhytomyr, Khmelnitsky, Dnipro dhe Ternopil. Sipas kryeministrit ukrainas Denys Shmygal, 11 objekte infrastrukturore u dëmtuan në tetë rajone si dhe në Kiev të hënën. Ministria ruse e mbrojtjes tha se kishte goditur "të gjitha objektivat e përcaktuara" që përfshinin ushtrinë ukrainase, infrastrukturën e komunikimit dhe energjisë, thanë agjencitë ruse të lajmeve. Presidenti ukrainas Volodymyr Zelenskiy akuzoi të hënën Rusinë se po përpiqet të fshijë vendin e tij nga faqja e dheut. Ndërkohë, Putin u zotua të hënën të reagonte me forcë nëse sulme si ai në Urën e Krimesë vazhdojnë. "Nëse vazhdojnë përpjekjet për të kryer akte terroriste në territorin tonë, përgjigjet e Rusisë do të jenë të ashpra dhe do të korrespondojnë me nivelin e kërcënimeve të krijuara për Federatën Ruse. Askush nuk duhet të ketë asnjë dyshim për këtë," tha Putin.