Ftesa e Putinit për Aliyev dhe Pashinyan për një takim trepalësh

Ministria e Jashtme ruse njoftoi se presidenti rus Vladimir Putin ka ftuar presidentin e Azerbajxhanit, Ilham Aliyev dhe kryeministrin armen, Nikol Pashinyan për një takim trepalësh.

Sipas agjencisë së lajmeve Fars, Ministria e Jashtme ruse shtoi: "Moska është e shqetësuar për tendencat alarmante që po përshkallëzohen përtej Kaukazit, ku Perëndimi po përpiqet qartë të transferojë planet konfrontuese që ndodhin në Ukrainë". Ndërkohë, presidentët e Turqisë, Azerbajxhanit dhe Armenisë në mesin e këtij muaji janë takuar dhe diskutuar në kryeqytetin e Republikës Çeke. Në një nga takimet më të rëndësishme mes Erdoganit, Aliyevit dhe Pashinyanit, u diskutua për traktatet e paqes të Baku-s dhe Jerevanit. Në këtë takim, i cili u zhvillua në margjinat e takimit të komunitetit politik evropian, u diskutua edhe për normalizimin e marrëdhënieve ndërmjet Turqisë dhe Armenisë. Një javë pas këtij takimi, Pashinyan njoftoi propozimin e tij për Republikën e Azerbajxhanit për tërheqjen e kufijve. Tensionet midis Azerbajxhanit dhe Armenisë javët e fundit janë përshkallëzuar shumë për shkak të  shkeljes së armëpushimit kufitar që filloi në maj 2021. Këto tensione u përshkallëzuan midis 12 dhe 14 shtatorit përpara se të arrihet një armëpushim i lëkundshëm i ndërmjetësuar nga Rusia.