Sot zhvillohen zgjedhjet afatmesme në SHBA
Sot zhvillohen zgjedhjet në Shtete e Bashkuara të Amerikë. Në këto zgjedhje afatmesme do të zgjidhet Senati dhe Dhoma e Përfaqësuesve.
Këto zgjedhje do të përcaktojnë vijën folozofike dhe strategjike drejt zgjedhjeve për Presidencën, dy vite më vonë.
Zgjedhjet në SHBA mbahen çdo vit të dytë të martën e parë pas të hënës së parë të nëntorit. Dita e Zgjedhjeve 2022 është më 8 Nëntor.
Agjencia e lajmeve Associated Press njoftoi se qytetarët amerikanë mbi moshën 18 vjeç mund të votojnë. Disa shtete bëjnë përjashtime për njerëzit e dënuar për krime dhe disa shtete kërkojnë që votuesit të regjistrohen.
Qendrat e votimit u hapën në orën 06:00 me orën lokale amerikane në bregun lindor të SHBA-së.
Amerikanët po votojnë në zgjedhjet afatmesme që mund t’u japin republikanëve një shumicë në Dhomën e Përfaqësuesve, për të kufizuar kompetencat e presidentit amerikan Joe Biden në dy vitet e mbetura të mandatit të tij dhe të hapin rrugën për kthimin e Donald Trump në Shtëpinë e Bardhë.
Më shumë se 40 milionë votues e kanë ushtruar tashmë të drejtën e tyre për të votuar.
Amerikanët gjithashtu mund të votojnë herët – personalisht ose me postë.
Tetë shtete të SHBA-së dhe Distrikti i Kolumbisë i dërgojnë me postë çdo votuesi një fletë votimi. Disa të tjerë lejojnë votim të hershëm për të gjithë, dhe të tjerë kërkojnë një justifikim, megjithëse pothuajse çdokush mund të bëjë një formë votimi të hershëm (personalisht ose me postë.)
Kongresi amerikan ka dy organe legjislative - Senatin dhe Dhomën.
Ligjvënësit e zgjedhur në Senat quhen senatorë dhe ata shërbejnë për një mandat gjashtë vjeçar. Zgjedhjet federale zhvillohen çdo dy vjet. Vendet ndahen në tre klasa, dhe rreth një e treta e Senatit është në fletëvotim çdo dy vjet. Zgjedhjet e 2022 përfshijnë senatorë të klasës III. Shikoni vlerësimet e garës nga Inside Elections.
Megjithatë, ata që zgjidhen në Dhomën e Përfaqësuesve janë në zgjedhje çdo dy vjet. Vendosja e anëtarëve të Dhomës për zgjedhje çdo dy vjet u mundëson votuesve kontroll më të drejtpërdrejtë dhe të menjëhershëm të drejtimit të qeverisë së tyre pasi është pjesa e qeverisë federale më afër popullit.
