Polonia zbret ‘me këmbë në tokë’ Arabinë Saudite

Polonia ka triumfuar ndaj Arabisë Saudite në kuadër të Grupit C në Kampionatin Botëror, me ndeshjen që përfundoi 2-0.

Ndeshja filloi me shumë ritëm dhe dy ekipet tentuan të kalonin herë në epërsi. Por, goli i epërsisë në ndeshje erdhi në minutën e 39-të, kur Robert Lewandowski asistoi te Piotr Zieliski, që realizoi për 1-0. Më pas, arabët shpërdoruan një mundësi të artë, kur fituan një penallti (pas rishikimit të VAR-it), por që Wojciech Szczesny bëri një pritje të dyfishtë, për t’i shpëtuar polakët. Në pjesën e dytë, Arabia Saudite ishte hedhur me të gjitha forcat në sulm, por duke shpërdoruar shumë raste shënimi. Këtë gjë nuk ua fali Polonia, pasi ia doli të realizonte edhe golin e dytë, duke siguruar kështu tri pikë. Ishte Lewandowski, ai që ia siguroi fitoren ekipit të tij, pasi përfitoi nga një gabim i mbrojtjes kundërshtare në minutën e 82-të, për të realizuar për 2-0. Polakët u mbajtën deri në fund të takimit, dhe morën një fitore paksa të mundimshme, por që shumë të vlefshme. Polonia është aktualisht lider i Grupit C me tri pikë, Arabia Saudite me tri sosh, Meksika me një dhe Argjentin që takohet sonte me meksikanët ende pa pikë.