Kanadaja ka filluar të konfiskojë pronën e një oligarku rus

Sipas agjencisë së lajmeve Tass, ministrja e Jashtme kanadeze Melanie Jolly tha sot se ka filluar konfiskimin e 26 milionë dollarëve të aseteve të kompanisë "Granite Capital Holdings", e cila është në pronësi të Oligarkut të sanksionuar rus Abramovich.

Kjo deklaratë thotë: Kjo është hera e parë që Kanadaja po përdor fuqitë e saj të reja që lejojnë konfiskimin e aseteve që u përkasin individëve të sanksionuar. Ministrja e Jashtme, Melanie Joly tani do të shqyrtojë paraqitjen e një kërkese gjyqësore për konfiskimin e aseteve dhe nëse është e suksesshme, të ardhurat mund të përdoren për të rindërtuar Ukrainën dhe për të kompensuar viktimat e pushtimit rus. Joly tha se “Kanadaja do të vazhdojë të bëjë presion ndaj regjimit rus dhe atyre që përfituan nga pushtimi barbar i Ukrainës nga Putin”. Përfaqësuesit e Granite Capital Holdings ose Abramovich nuk mund të kontaktoheshin për koment, sipas Reuters. Oligarkët rusë janë pjesëmarrës në pushtim dhe Kanadaja “nuk do të jetë një strehë për përfitimet e tyre të paligjshme”, tha në një deklaratë ministrja kanadeze e financave Chrystia Freeland. Kievi dhe aleatët e tij, të cilët vendosën sanksione të gjera në përgjigje të pushtimit, e quajnë atë një akt të paprovokuar agresioni. Kanadaja ka vendosur sanksione ndaj më shumë se 1500 individëve dhe subjekteve nga Rusia, Ukraina dhe Bjellorusia që nga fillimi i pushtimit më 24 shkurt.