Infermierët britanikë nisin raundin e dytë të grevës së paprecedentë

Dhjetëra mijëra infermierë britanikë kanë hyrë në grevë në raundin e tyre të dytë të aksionit të paprecedentë në më pak se një javë, duke ngritur shqetësime për sigurinë e pacientëve pasi edhe stafi i ambulancave do të hyjë në grevë.

Më shumë se 100,000 anëtarë të Kolegjit Mbretëror të Infermierisë (RCN) në Angli, Uells dhe Irlandën e Veriut mbajtën grevën e tyre njëditore të martën e kaluar për herë të parë në historinë 106-vjeçare të sindikatës, pasi qeveria nuk arriti të t'u përgjigjet kërkesave të tyre për pagesat dhe kushtet. Infermierët britanikë kanë kërkuar një rritje pagash prej 19 për qind për të përballuar inflacionin në rritje. Megjithatë, qeveria ka thënë se nuk mund të përballojë të paguajë më shumë se 4-5 përqind, duke shtuar se rritjet e mëtejshme të pagave do të nënkuptonin heqjen e parave nga shërbimet e vijës së parë. Sekretari i Shëndetësisë Steve Barclay ka deklaruar se "kërkesat e RCN janë të papërballueshme gjatë këtyre kohërave sfiduese dhe do të heqin paratë nga shërbimet e vijës së parë ndërsa ato janë ende duke u rikuperuar nga ndikimi i pandemisë." Greva nuk kufizohet vetëm tek infermierët në Britani. I gjithë vendi po përballet me grevat e punonjësve të sektorit publik dhe privat.