Bota dënon sulmin ndaj institucioneve braziliane

Udhëheqësit botërorë reaguan me tronditje dhe ankth ndaj sulmit ndaj Kongresit, Gjykatës së Lartë dhe pallatit presidencial të Brazilit nga mijëra mbështetës të ish-presidentit të ekstremit të djathtë Jair Bolsonaro.

Rebelët refuzojnë të pranojnë humbjen e Bolsonaro në zgjedhjet e fundit. Ish-presidenti nuk ka bërë një deklaratë publike duke pranuar në mënyrë eksplicite se ai humbi. Në një postim në Twitter drejtuar pasuesit të Bolsonaros, krahut të majtë Luiz Inacio Lula da Silva, kryeministri indian Narendra Modi shkroi se ishte “thellësisht i shqetësuar për lajmet e trazirave dhe vandalizëm”. “Traditat demokratike duhet të respektohen nga të gjithë. Ne ofrojmë mbështetjen tonë të plotë për autoritetet braziliane”, tha Modi. Në Evropë, kancelari gjerman Olaf Scholz tha më 9 janar se “sulmet e dhunshme ndaj institucioneve demokratike janë një sulm ndaj demokracisë që nuk mund të tolerohet” dhe se Berlini “qëndron me Presidentin Lula dhe brazilianët”. Presidentja e Komisionit Evropian Ursula von der Leyen postoi në Twitter dënimin e saj për “sulmin ndaj demokracisë në Brazil”, ndërsa Presidenti i Këshillit Evropian Charles Michel shkroi se Lula ishte “i zgjedhur në mënyrë demokratike nga miliona brazilianë përmes zgjedhjeve të ndershme dhe të lira” dhe që patën mbështetjen e plotë të BE-së. Gjatë dhunës në Brasilia, mbështetësit e Bolsonaros dëmtuan ndërtesën e Kongresit duke kaluar barrikadat dhe thyer xhamat. Më pas ata e drejtuan zemërimin e tyre drejt Gjykatës së Lartë aty pranë dhe Palacio do Planalto, vendi zyrtar i punës së presidentit. Presidenti i Brazilit, Luiz Inácio Lula da Silva vizitoi sot pallatin e shkatërruar presidencial pas dhunës së djeshme në kryeqytetin Brasilia ku mijëra ekstremistë të djathtë mbështetës të ish-presidentit Jair Bolsonaro bënë kryengritjen e ngjashme me atë të 6 Janarit 2021 në SHBA. Lula nuk gjendej në Brasília në kohën e sulmit por dha një fjalim të nervozuar ku kërkonte “dënim të gjithë atyre të përfshirë” dhe fajësonte Bolsonaro për kaosin. Duke i quajtur protestuesit “vandalë, neo-fashistë e fanatikë”, Lula urdhëroi ndërhyrje të forcave federale në kryeqytet, duke vënë policinë nën kontrollin e qeverisë qendrore. Forcave të sigurisë iu deshën disa orë për të rifituar kontrollin e zonës. Muajin që shkoi ka pasur dhjetra te arrestuar ne disa incidente të dhunshme mes policisë dhe protestuesve në Brasília, mes protestave të gjera të mbështetësve të Bolsonaro. Mijëra brazilianë pro-Bolsonaro refuzojnë të pranojnë fitoren e ngushtë të Lulas në zgjedhjet e tetorit dhe kanë kaluar javët e fundit duke qëndruar në tenda pranë bazave ushtarake në të gjithë vendin, duke bërë thirrje për grusht ushtarak dhe largim te Lulas.