Zbulohen dokumente të reja sekrete në shtëpinë e Biden
Mediat amerikane raportuan zbulimin e dokumenteve të reja sekrete dhe të klasifikuara në shtëpinë personale të presidentit amerikan Joe Biden.
Sipas agjencisë së lajmeve Reuters, dokumentet e reja të klasifikuara përfshijnë pesë faqe me informacione të klasifikuara që u gjetën në shtëpinë personale të Biden në shtetin e Delaware. Ky informacion ishte në një dhomë ngjitur me garazhin e shtëpisë së tij. Një komitet i posaçëm në Shtetet e Bashkuara të Amerikës nisi dje një hetim për dokumentet sekrete qeveritare të zbuluara në rezidencën e presidentit të këtij vendi, Joe Biden. Aktualisht pritet që komiteti i posaçëm të shpallë opinionin e tij për dokumentet sekrete të qeverisë që u zbuluan brenda shtëpisë së presidentit amerikan Joe Biden. Pjesa e parë e këtyre dokumenteve u zbulua dy muaj më parë, ndërsa pjesa tjetër u bë publike në media të hënën e kaluar. Duket se këto dokumente sekrete kanë të bëjnë me kohën kur Biden ishte nënpresident i administratës Obama. Siç raportohet, tema e këtyre dokumenteve ka të bëjë me informacionin e sigurisë së SHBA-së në lidhje me Ukrainën, Iranin dhe Anglinë. Zëdhënësi i Shtëpisë së Bardhë thotë se Biden nuk e dinte që ai mbante dokumente të tilla në shtëpinë e tij dhe se gjithçka që kishte në fletore vetëm sa e kishte shkruar pa qëllim. Biden kishte akuzuar më parë ish-presidentin Trump për papërgjegjshmëri në lidhje me ruajtjen e dokumenteve të klasifikuara në rezidencën e tij në Maralago, Florida. Tani republikanët e kanë akuzuar Biden për dyfytyrësi. Më herët u zbulua pjesa e dytë e dokumenteve sekrete të qeverisë. Këtë herë, këto dokumente u gjetën brenda garazhit të shtëpisë personale të Joe Biden, gjë që e bëri më të vështirë për Biden t'i jepte fund polemikave. Presidenti amerikan Joe Biden tha se njerëzit e dinë që unë i marr shumë seriozisht dokumentet dhe përmbajtjet sekrete. Avokati i Shtëpisë së Bardhë gjithashtu ka konfirmuar zbulimin e dokumenteve sekrete qeveritare që i përkasin kohës kur Biden ishte nënpresident nën administratën e Barack Obama. Avokati i Shtëpisë së Bardhë këmbëngul se këto dokumente i janë dorëzuar menjëherë Arkivit Kombëtar të SHBA. Megjithatë, Ministria e Drejtësisë ka emëruar prokurorin e vendit, Robert Hore, si kreun e një komisioni të posaçëm për të hetuar këtë çështje për të përcaktuar nëse Biden ka shkelur ligjin apo jo.
