Mësuesit në Britani të Madhe do të hyjnë në grevë

Mësuesit në Angli dhe Uells pritet të dalin në grevë muajin e ardhshëm, duke iu bashkuar disa punonjësve të tjerë të sektorit publik që janë larguar masivisht nga puna në një mosmarrëveshje me qeverinë për pagat dhe kushtet e punës.

Mësuesit kanë shprehur gatishmërinë për grevë  si rezultat i një votimi që i përket Unionit të Arsimit Kombëtar (NEU), sindikatës më të madhe të mësimdhënies në Mbretërinë e Bashkuar, i cili do të shpallet të hënën. NEU bëri thirrje për një "rritje të pagave të mbi nivelin e inflacionit". Sunday Times, duke cituar burime sindikatash, ka raportuar tashmë se anëtarët kishin votuar për të mbështetur grevat që do fillonin në shkurt. Nëse greva e mësuesve konfirmohet të hënën, ka të ngjarë të intensifikojë grevat që tashmë po dëmtojnë rëndë një pjesë të ekonomisë britanike. Gjatë muajve të fundit, Mbretëria e Bashkuar është përballur me valën më të madhe të grevave në dekada. Vala e grevave paralizuese erdhi pasi kërkesat e punëtorëve për rritje pagash u refuzuan nga qeveria, e cila u ka ofruar nëpunësve civilë një rritje page nga 2% në 3% dhe thotë se nuk mund të përballojë rritje të larta që përputhen me inflacionin në rritje.