Gjermani a akuzon 5 persona për tradhti ndaj qeverisë
Prokuroria e Gjermanisë akuzoi 5 persona për tradhti ndaj sistemit shtetëror (Hochverrat) të këtij vendi.
Në kushtetutën gjermane, tradhtia ndaj sistemit shtetëror, e njohur si "Hochverrat", përfshin çdo përpjekje kundër ekzistencës së rendit kushtetues të këtij vendi. Nëse kjo tentativë shoqërohet me dhunë apo kërcënim me dhunë.
Agjencia e lajmeve IRNA njoftoi se prokurori i përgjithshëm i Gjermanisë njoftoi në një deklaratë se pesë persona që planifikonin të rrëmbenin Karl Lauterbach, ministrin e shëndetësisë të vendit, dhe të krijonin një luftë civile dhe të ndryshonin qeverinë aktuale, u akuzuan për tradhti ndaj sistemit shtetëror të vendit.
Në deklaratën e Prokurorisë së Gjermanisë thuhet: "Ky grup u formua në mesin e janarit 2022 me synimin për të nisur një luftë civile në Gjermani dhe për të përdorur dhunën, me shpresën për të rrëzuar qeverinë dhe demokracinë parlamentare në këtë vend".
Sipas kësaj deklarate, këta 5 persona, të cilët ndodhen në paraburgim që nga viti i kaluar, kanë pranuar se arritja e qëllimit të tyre mund të kishte sjellë vdekjen e disa personave.
Në lidhje me këtë, kanali informativ gjerman Deutsche Welle raportoi gjithashtu se këta persona, të cilët ishin të gjithë të lidhur me grupin e ekstremit të djathtë "Reichburger" në Gjermani, si dhe me grupe të tjera neo-naziste, kërkuan të krijonin kushte të luftës civile në Gjermani duke përdorur dhunë për të rrëzuar qeverinë.
Vlen të theksohet se anëtarët e grupit të ekstremit të djathtë "Qytetarët e Rajh" nuk e njohin Gjermaninë e sotme dhe kufijtë e saj si një shtet ligjor. Disa prej tyre besojnë në "Rajh" (Perandorinë) e vjetër gjermane nën një monarki, dhe disa kanë bindje naziste dhe besojnë se Gjermania është nën pushtimin ushtarak.
