Brazili nuk ka ndërmend të dërgojë armë në Ukrainë

Në një intervistë me kanalin televiziv amerikan, CNN, presidenti brazilian Luiz Inacio Lula da Silva tha se Brazili nuk do të dërgojë asnjë armë në Ukrainë.

“Po të dërgoja armë dhe municione, do t'i bashkohesha luftës. Unë nuk dua t'i bashkohem luftës. Unë dua t'i jap fund luftës”, tha ai. Në një pjesë tjetër të intervistës së tij, presidenti brazilian tha se gjatë takimit me homologun e tij amerikan, Joe Biden, ka theksuar nevojën e krijimit të një grupi vendesh për të negociuar për paqen në Ukrainë. Lula da Silva udhëtoi për në Shtetet e Bashkuara të premten më 10 shkurt për t'u takuar me presidentin amerikan Joe Biden. Presidenti brazilian theksoi nevojën për gjetjen e ndërmjetësve të aftë për të dialoguar me presidentin rus Vladimir Putin. "Ne duhet t'i tregojmë Ukrainës se ata duhet të negociojnë më shumë në mënyrë që ne t'i japim fund kësaj lufte," shtoi ai. Ndërsa Uashingtoni i ka bërë presion Brasilias që të dërgojë armë në Ukrainë, zëdhënësi i Këshillit të Sigurisë Kombëtare të Shtëpisë së Bardhë, John Kirby, pohoi së fundmi se Shtetet e Bashkuara respektojnë sovranitetin e vendeve të tjera, si Brazili, si dhe vendimet e tyre për mosdërgimin e armëve në Kiev.