Rusia fut nën kontroll pjesën lindore të Bakhmut

Shefi i grupit militant “Wagner” të Rusisë bëri të ditur se forcat e këtij grupi ushtarak kanë marrë nën kontroll plotësisht pjesën lindore të “Bakhmut” në provincën Donetsk.

Sipas agjencisë së lajmeve IRNA, Yevgeny Prigozhin, drejtori dhe themeluesi i "Wagner" të Rusisë, sot të mërkurën, tha se njësitë e grupit Wagner kanë marrë nën kontroll të gjithë pjesën lindore të Bakhmutit dhe e gjithë lindja e lumit "Bakhmutka" është plotësisht nën kontrollin e forcave të Wagner-it.

Burime të lajmeve kishin njoftuar së fundmi për ngushtimin e hallkës së rrethimit të Bakhmutit.

Qyteti Bakhmut në Ukrainën lindore ka qenë skenë e përleshjeve të ashpra mes forcave të dy palëve të konfliktit në Ukrainë ditët e fundit. Moska ka muaj që po përpiqet të marrë nën kontroll Bakhmutin.

Analistët thonë se Bakhmut ka pak vlerë strategjike, por është bërë një pikë prestigji për Rusinë dhe Ukrainën teksa përpiqen të japin lajme pozitive në Kremlin.

Ndërkohë, presidenti ukrainas Volodymyr Zelensky premtoi se do të parandalonte rënien e Bakhmut në çdo mënyrë të mundshme.

Shtabi i Përgjithshëm i Ushtrisë së Ukrainës (më 2 mars) njoftoi avancimin e forcave ruse në drejtim të Bakhmutit dhe praninë e këtyre forcave në periferi dhe brenda qytetit.

Rusia njoftoi se kontrolli i Bakhmut hap rrugën për kontroll të plotë mbi pjesën tjetër të zonës strategjike industriale të Donbass.

Zyrtarët rusë dhe disa ekspertë dhe media perëndimore e kanë përshkruar luftën në Ukrainë si një luftë ndërmjetëse midis Perëndimit dhe Rusisë.