Francë, vazhdon represioni

Protestat antiqeveritare në Francë janë përballur me dhunën e policisë dhe arrestimet e demonstruesve.

Sipas Sky News, protestat antiqeveritare vazhduan në Francë kundër planit të reformës së pensioneve të Emmanuel Macron dhe u shndërruan në përleshje të dhunshme me ndërhyrjen e policisë. Në Paris, përleshjet shpërthyen midis policisë dhe demonstruesve dhe shumica e përleshjeve u përqendruan në rajonin Place de la Concorde. Protestuesit francezë janë të zemëruar me vendimin e Macron për të rritur moshën e daljes në pension nga 62 në 64 vjeç dhe për imponimin e nenit 49/3 të Kushtetutës për miratimin e këtij ligji. Plani i daljes në pension i Macron është paraqitur disa herë në Asamblenë Kombëtare gjatë muajit të kaluar, por nuk arriti të marrë vota të mjaftueshme, dhe dy ditë më parë presidenti francez i kërkoi kryeministrit që të përdorte kompetenca të veçanta për të zbatuar këtë plan të diskutueshëm, sipas të cilit qeveria mund të zbatojë planin e saj pa votën e Asamblesë Kombëtare. Sipas një burimi policor, në Paris ishin “disa mijëra” protestues, ku policia ndërhyri dhunshëm. Ata hynë në aksion, veçanërisht me topa uji dhe gaz lotsjellës. Sipas kanalit televiziv francez BFMTV, policia arrestoi 61 persona pas protestave të së premtes. Ministri i Brendshëm francez Gérald Darmanin tha se numri i të arrestuarve u shtua 310, duke përfshirë 258 në Paris.