Punonjësit e transportit publik dalin në grevë në Frankfurt

Punonjësit e sektorit të transportit publik protestuan sot në stacionin hekurudhor të Frankfurtit duke iu bashkuar grevës së përgjithshme kombëtare kundër rritjes së çmimeve dhe inflacionit.

“Ne kemi ndaluar punën duke kërkuar të paktën €500 rritje të rrogës,” tha Filipp Schumann përfaqësuesi i  sindikatës vendase Verdi, duke shtuar se “ashtu si vitin e kaluar inflacioni mbetet i lartë, dhe kolegët kanë nevojë për para për të përballuar shpenzimet”. Ndërkohë greva totale e punonjësve të transportit në fluturime, hekurudha dhe transporti qytetar ka bllokuar sot Gjermaninë. Punonjësit e transporteve në ekonominë më të madhe të BE, të drejtuar nga sindikatat Verdi e EVG, ndaluan punën për 24-orë në protestë ndaj inflacionit të rëndë. “Të gjithë punonjësit e kanë kuptuar këtë sinjal të qartë dhe më në fund do të prezantojnë oferta të negociueshme,” tha kryetarja e sindikatës EVG, Cosima Ingenschay. Ndërsa tabelat në aeroportin më të madh në vend në Frankfurt, tregonin vetëm radhë fluturimesh të anulluara.