Mançesteri është kryeqyteti i vjedhjeve në Britani
Mançesteri është qyteti i tretë më i madh në Mbretërinë e Bashkuar me numrin më të madh të krimeve dhe grabitjeve.
Gazeta britanike "Sun" publikoi statistikat e krimeve dhe vjedhjeve në Britaninë e Bashkuar dhe listën e zonave më të rrezikshme të këtij vendi për sa i përket shfaqjes së llojeve të ndryshme të krimeve.
Sipas këtij raporti, 29.6 vjedhje për çdo një mijë njerëz janë kryer në Mançester, dhe kështu, ky qytet ka numrin më të madh të vjedhjeve të shtëpive dhe bizneseve në Britaninë e Madhe.
Pak kohë më parë, Qendra Kombëtare e Statistikave Britanike në një raport njoftoi se rekordi i krimeve në këtë vend është thyer dhe shfaqja e të gjitha llojeve të krimeve në Britaninë e Madhe ka arritur në më shumë se 6.5 milionë raste në një periudhë 12 mujore, që është norma më e lartë në historinë e këtij vendi.
Ekspertët thonë se vitet e zbatimit të politikës së kursimeve ekonomike dhe reduktimi i buxhetit të shërbimit publik në Britaninë e Bashkuar kanë bërë që policia të ketë mungesë të forcave dhe lehtësive të nevojshme për të garantuar sigurinë në këtë vend dhe ky vend është kthyer në një terren të përshtatshëm për kriminelët dhe hajdutët.
Kreu i policisë britanike kishte njoftuar më parë se përballej me një mungesë prej 40 mijë trupash dhe se pavarësisht kërkesave të përsëritura, qeveria ende nuk u kishte dhënë leje për të rekrutuar trupa dhe objektet e nevojshme.
