OKB miraton një rezolutë tjetër në favor të Palestinës

Këshilli i OKB-së për të Drejtat e Njeriut miratoi një rezolutë në favor të Palestinës, e cila u mirëprit nga palestinezët.

Agjencia e lajmeve ISNA njoftoi se Këshilli i Kombeve të Bashkuara për të Drejtat e Njeriut, në sesionin e tij të 52-të, nën paragrafin e dytë të agjendës së tij për situatën e të drejtave të njeriut në territoret e pushtuara palestineze, përfshirë Kudsin e shenjtë, dhe nevojën për të arritur drejtësi dhe për të siguruar dënimin e kriminelëve, miratoi një rezolutë në favor të Palestinës.

Ministria e Punëve të Jashtme të Palestinës në lidhje me këtë, deklaroi: “Miratimi i rezolutave për Palestinën në këtë kohë është një lloj kundërshtimi i krimeve të forcave pushtuese dhe kolonëve sionistë”.

Ministria e Punëve të Jashtme të Palestinës shtoi: "Ne po punojmë shumë për t'i shndërruar këto rezoluta në masa efektive për të ndëshkuar regjimin sionist dhe për të mbështetur kombin palestinez". Gjithashtu, Ministria e Punëve të Jashtme të Palestinës i kërkoi komunitetit ndërkombëtar dhe institucioneve të tij që të përpiqen të ndëshkojnë autoritetet sioniste dhe kriminelët e tyre të luftës.

Kjo ministri theksoi: "Politika e dyanshme në zbatimin e ligjeve ndërkombëtare do të shkatërrojë sistemin ndërkombëtar të bazuar në ligj".

Jo shumë kohë më parë, Amnesty International kritikoi gjithashtu standardet e dyfishta të Perëndimit në lidhje me çështjet e të drejtave të njeriut.