Marrëveshje 7-ditore armëpushimi në Sudan
Shtetet e Bashkuara dhe Arabia Saudite në një deklaratë të përbashkët njoftuan se fraksionet ndërluftuese të Sudanit nënshkruan një marrëveshje për një armëpushim shtatë-ditor.
Armëpushimi shtatëditor do të fillojë të hënën në mbrëmje. Sipas Guardian, në lidhje me këtë, Sekretari Amerikan i Shtetit, Anthony Blinken, në një prononcim në rrjetet sociale ka njoftuar se ka pasur një bisedë me komandantin e ushtrisë sudaneze, Abdul Fattah al-Barhan, në lidhje me negociatat për të arritur një përfundim efektiv për konfliktin dhe armëpushimin. Sharif Muhammad Othman, zëdhënës i këtij koalicioni, më herët kishte bërë të ditur se marrëveshja e re është rezultat i negociatave në Jeddah që u mbajtën nën mbikëqyrjen e Arabisë Saudite dhe Shteteve të Bashkuara. Ai njoftoi se ky armëpushim do të ndihmojë shpërndarjen e ndihmave humanitare dhe mbrojtjen e qendrave mjekësore, ujit dhe energjisë elektrike në zonat e prekura të Sudanit. Ai më tej bëri thirrje për presion nga vendet arabe dhe Liga Arabe ndaj palëve në konflikt në Sudan për t'iu përmbajtur armëpushimit dhe tha se shumë vende arabe janë në kontakt me koalicionin për Liri dhe Ndryshim. Nga ana tjetër, Forcat e Reagimit të Shpejtë të Sudanit, e cila është palë në konflikt, mirëpritën deklaratën përfundimtare të samitit të Ligës Arabe në Jeddah. Konfliktet e armatosura mbi pushtetin në Sudan nisën më 15 prill midis forcave të ushtrisë dhe forcave të mbështetjes së shpejtë. Pavarësisht vendosjes së shtatë raundeve të armëpushimit në Sudan dhe deklarimit të aderimit nga palët, konfliktet vazhdojnë në mënyrë sporadike. Lufta midis ushtrisë sudaneze dhe Forcave të Reagimit të Shpejtë (RSF) ka çuar në rrëzimin e ligjit në vend. Depot e ushqimeve, parave dhe sendeve thelbësore po pakësohen me shpejtësi dhe ka ndodhur grabitja masive e bankave, ambasadave, fabrikave dhe depove të ndihmës humanitare.
