Agresioni ndaj Nigerit, Algjeria ia mbyll hapësirën ajrore Francës

Algjeria ka refuzuar një kërkesë të Francës për të përdorur hapësirën e saj ajrore për të kryer një operacion ushtarak në Nigerin e goditur nga kriza, presidenti properëndimor i të cilit u rrëzua përmes një grushti ushtarak muajin e kaluar.

Radioja shtetërore algjeriane transmetoi lajmin të hënën vonë, duke theksuar se Algjeri ishte kundër çdo veprimi ushtarak të huaj në Niger dhe favorizon diplomacinë për të rivendosur rendin kushtetues në Niger, ku Franca mban rreth 15,000 trupa. Nigeri u përfshi nga kaosi politik më 26 korrik, kur presidenti i tij Mohamed Bazoum u rrëzua nga një grusht shteti ushtarak. Nigeri shtrihet në jug të kufirit algjerian. Radioja shtetërore algjeriane, e cila zakonisht pasqyron mendimin zyrtar, nuk dha asnjë detaj për të ashtuquajturin operacion francez në fqinjin e saj jugor. Ndërkohë Parisi nuk ka thënë se do të ndërhynte ushtarakisht për të përmbysur kontrollin e ushtarakëve dhe për të rivendosur rendin në Niger. Të martën, ushtria franceze iu përgjigj lajmit të radios shtetërore algjeriane, duke mohuar se i kishte kërkuar Algjerisë të përdorte hapësirën e saj ajrore për një operacion ushtarak në Niger. Forcat franceze janë dëbuar nga Mali dhe Burkina Faso, dhe ndjenjat anti-franceze janë shtuar në rrugët e Niamey, kryeqyteti i Nigerisë, që nga grushti i shtetit.