Rusia paralajmëron Amerikën për rifillimin e testeve bërthamore

Rusia paralajmëroi se nëse Amerika kryen teste bërthamore, edhe Moska do të rifillojë teste të tilla.

Anatoli Antonov, ambasadori i Moskës në Uashington, njoftoi: "Presidenti rus Vladimir Putin në fjalimin e tij të shkurtit 2022 në Asamblenë Federale të Rusisë tha se  politika e Shteteve të Bashkuara është destruktive dhe nëse Shtetet e Bashkuara rifillojnë testet bërthamore, ne do të jemi gati me një përgjigje e ngjashme. Megjithatë, ne nuk do të ishim pala e parë që do ta bënim këtë. "Ne ratifikuam Traktatin Gjithëpërfshirës të Ndalimit të Testeve Bërthamore (CTBT) përpara vitit 2000," tha Antonov, duke shtuar se Rusia është e vendosur të pezullojë testet bërthamore në një mënyrë të qëndrueshme dhe të përgjegjshme. "Në të kundërt, Shtetet e Bashkuara jo vetëm që nuk ndjekin shembullin tonë, por nuk kanë ndërmarrë asnjë hap për zbatimin e këtij traktati", tha Antonov. Ky zyrtar rus deklaroi se Uashingtoni "ka 30 vjet që i ka bërë botës premtime se do të bëjë të mundur zbatimin e Traktatit Gjithëpërfshirës të Ndalimit të Testeve Bërthamore, por në fakt, SHBA mbetet një shkelëse e këtij traktati", tha ambasadori i Moskës në Uashington.