Rritet shkalla e papunësisë në Amerikë
Shkalla e papunësisë në SHBA u rrit në gusht në nivelin më të lartë që nga shkurti 2022.
Sipas agjencisë së lajmeve IRIB; Shkalla e papunësisë në SHBA u rrit në 3.8 për qind në gusht, krahasuar me 3.5 për qind në korrik. Më herët ishte premtuar se në qershor do të krijoheshin 185 mijë vende pune, por ndryshe nga sa ishte paralajmëruar, u krijuan 105 mijë vende pune. Në korrik fillimisht u njoftua se do të hapeshin 187 mijë vende pune, por përkundrazi u hapën 157 mijë vende pune. Departamenti Amerikan i Punës në një deklaratë njoftoi se "mundësitë e punësimit u rritën në shërbimet shëndetësore, dëfryese dhe mikpritjen, punën sociale dhe ndërtimin, por pati një rënie në sektorin e transportit dhe logjistikës". Shkalla e papunësisë përkundër krijimit të shumë mundësive të punës vjen kryesisht nga fakti se më shumë se gjysmë milioni njerëz kanë hyrë në tregun e punës në gusht. Rubila Farooqi, ekonomiste e lartë në Institutin Ekonomik të Frekuencës së Lartë, tha: “Pagat janë ulur dhe shkalla e papunësisë ka arritur nivelin më të lartë që nga shkurti 2022 për shkak të rritjes së popullsisë aktive”.
