Guterres: Këshilli i Sigurimit duhet të reformohet

Sekretari i Përgjithshëm i Kombeve të Bashkuara bëri thirrje për reformimin e strukturës së institucioneve ndërkombëtare, përfshirë Këshillin e Sigurimit.

Antonio Guterres, të martën në fillim të seancës së 78-të të Asamblesë së Përgjithshme të kësaj organizate në Nju Jork tha: Këshilli i Sigurimit duhet të reformohet sipas kushteve të botës së sotme dhe të rindërtohet arkitektura financiare ndërkombëtare. Guterres deklaroi se neglizhenca ndaj reformës së institucioneve ndërkombëtare do të nxisë mosmarrëveshjet dhe shtoi: Institucionet financiare ndërkombëtare duhet të globalizohen vërtet në mënyrë që të ndihmojnë në zgjidhjen e problemeve ekonomike të vendeve në zhvillim. Ai gjithashtu bëri thirrje për krijimin e një organi ndërkombëtar, të ngjashëm me Agjencinë Ndërkombëtare të Energjisë Atomike, për të monitoruar zhvillimin e inteligjencës artificiale dhe për të ofruar raporte për të gjitha vendet. Guterres theksoi: Bota është plot me sfida dhe duket se ne nuk jemi në gjendje t'i përballojmë ato. Sekretari i Përgjithshëm i Kombeve të Bashkuara gjithashtu bëri thirrje për veprime të menjëhershme për t'u marrë me ndryshimet klimatike, si dhe shpërndarjen e burimeve financiare për vendet në zhvillim për përdorimin e energjisë së pastër. Guterres shtoi: Ndryshimet klimatike kanë krijuar rekorde të reja dhe planeti ynë po mbinxehet. Në një pjesë tjetër të fjalës së tij, Sekretari i Përgjithshëm i Kombeve të Bashkuara, duke mos dënuar veprimet e kabinetit të regjimit sionist në zgjerimin e vendbanimeve sioniste dhe aparteidit kundër palestinezëve, veprimet e njëanshme të kabinetit të regjimit sionist i konsideroi si shkak të dobësimit të procesit të pajtimit në rajon.  Sekretari i Përgjithshëm i OKB-së shtoi: Nëse çdo vend i përmbush detyrimet e tij bazuar në Kartën e OKB-së, e drejta për paqe do të garantohet. Sekretari i Përgjithshëm i Kombeve të Bashkuara deklaroi: “Lufta në Ukrainë ka pasoja të rënda, ajo vë në rrezik jetën e njerëzve me kërcënimet tona bërthamore dhe injoron traktateve ndërkombëtare, duke e bërë sigurinë tonë edhe më të brishtë. Guterres gjithashtu bëri thirrje për përpjekje në mënyra të ndryshme për t'i dhënë fund luftës në Ukrainë. Ai theksoi: "Ne nuk duhet të hezitojmë që të përpiqemi të vendosim një paqe të drejtë në përputhje me Kartën e OKB-së dhe ligjet ndërkombëtare. Tensionet e vjetra po intensifikohen në mbarë botën, ndërsa rreziqet e reja po shfaqen." Duke iu referuar situatës në Sudan, Sekretari i Përgjithshëm i Kombeve të Bashkuara paralajmëroi: Ky vend po hyn në një luftë gjithëpërfshirëse dhe po përballet me rrezikun e shpërbërjes. Guterres i konsideroi viktimat e përmbytjeve në Libi si viktima të luftës, ndryshimeve klimatike dhe indiferencës së liderëve botërorë ndaj çështjeve humanitare.