NATO paketë të re municionesh prej 2.53 miliardë dollarësh për Ukrainën
Shefi i NATO-s, Jens Stoltenberg njoftoi të enjten se NATO nënshkroi kontrata kornizë për 2.4 miliardë euro (2.53 miliardë dollarë) për municione për Ukrainën.
“Kjo shumë mbulon predha artelierie të kalibrit 1.55 mm, raketa kundër tankeve dhe municionet kryesore të tankeve të betejës. Kjo do t’i ndihmojë aleatët të rimbushin rezervat e tyre ndërsa vazhdojnë të furnizojnë Ukrainën,” tha ai. Stoltenberg përsëriti mbështetjen e NATO-s për Ukrainën duke thënë: “E ardhmja e Ukrainës është në NATO”. Stoltenberg tha gjithashtu se lufta në Ukrainë duhet të përfundojë me fitoren e Kievit. I pyetur për raketat ruse që dyshohet se binin pranë kufirit të Ukrainës me Rumaninë anëtare të NATO-s, Stoltenberg tha se “nuk kishte prova që sulme të tilla ishin një sulm i qëllimshëm ndaj Rumanisë”, por i dënoi ato si “të pamatura” dhe “destabilizuese”. Nga ana e tij, Zelenskyy falënderoi Stoltenbergun për mbështetjen, duke shtuar se është veçanërisht e rëndësishme kur disa zëra bëjnë thirrje për t’i dhënë fund mbështetjes ushtarake për Ukrainën. Duke komentuar raportet e mediave që pretendojnë se Irani po furnizon Rusinë me raketa që më pas përdoren për të goditur territorin e Ukrainës, Zelenskyy tha se nuk ka prova për këto pretendime.
