Putin do të kryejë vizitë në Kinë

Presidenti rus Vladimir Putin do të kryejë një vizitë në Kinë, ku do të diskutojë disa çështje të rëndësishme strategjike me presidentin kinez Xi Jinping, tha ambasadori i Pekinit në Moskë për agjencinë shtetërore ruse të lajmeve TASS.

“Në samit, udhëheqësit tanë do të diskutojnë të gjitha çështjet aktuale dhe kyçe të bashkëpunimit dypalësh, si dhe ndërveprimin tonë strategjik në arenën ndërkombëtare. Kjo është shumë e rëndësishme,” tha Zhang Hanhui. Zëdhënësi i Kremlinit Dmitry Peskov tha se datat për vizitën e Putinit në Kinë janë caktuar por nuk janë shpallur. Më 20 shtator, gjatë një takimi me zyrtarët kinezë, Putin tha se e pranoi me kënaqësi ftesën e Xi për të vizituar Kinën në tetor për Forumin Një Brez dhe Rrugë.