Borrell: Bllokada e Gazës është kundër ligjeve ndërkombëtare

Josep Borrell, kreu i politikës së jashtme të Bashkimit Evropian, urdhrin e ministrit izraelit të luftës për të rrethuar Gazën e konsideroi kundër ligjeve ndërkombëtare.

Sipas IRNA, në fund të takimit jozyrtar të ministrave të jashtëm të BE-së në Maskat, kryeqyteti i Omanit, Joseph Borrell në një konferencë për shtyp deklaroi se reagimet e Tel Avivit "duhet të jenë në përputhje me ligjet e të drejtave të njeriut; Por disa vendime të marra janë në kundërshtim me ligjet ndërkombëtare”.  Zyrtari i politikës së jashtme të Bashkimit Evropian shtoi: Në takimin e sotëm u theksua nevoja për respektimin e ligjeve ndërkombëtare për të drejtat e njeriut dhe kjo do të thotë se ndërprerja e qasjes në ujë, ushqim dhe energji elektrike për civilët në Gaza nuk është e drejtë. Ai tha se në takimin e sotëm, shumica e vendeve anëtare të BE-së, me përjashtim të dy ose tre anëtarëve, "kanë thënë qartazi se mbështetja financiare për Autoritetin Palestinez duhet të vazhdojë dhe pagesat nuk duhet të ndërpriten". Që nga e shtuna e kaluar, forcat palestineze të rezistencës kanë nisur një operacion gjithëpërfshirës dhe unik të quajtur “Stuhia Al-Aksa” nga Gaza, kundër pozicioneve të regjimit sionist në territoret e pushtuara. Ushtria sioniste, e cila u befasua në operacionin Stuhia Al-Aksa dhe nuk është në gjendje të përballet me forcat e rezistencës, ka rrethuar dhe bombarduar brutalisht qytetin e Gazës për të kompensuar humbjet e tij. Si pasojë e këtyre bombardimeve, sipas njoftimit të Ministrisë së Shëndetësisë së Palestinës, deri të martën kanë rënë dëshmorë 770 persona, prej tyre 140 janë fëmijë dhe 105 janë gra. Përveç kësaj, numri i të plagosurve në sulmet ajrore izraelite në Gaza ka kaluar 4000 dhe numri i sionistëve të plagosur ka kaluar 2741.