U nënshkrua marrëveshja e parë ndërkombëtare për sigurinë e inteligjencës artificiale

Shtetet e Bashkuara, Britania dhe 17 vende të tjera zbuluan të dielën atë që një zyrtar i lartë amerikan e përshkroi si marrëveshjen e parë gjithëpërfshirëse ndërkombëtare se si të mbahet e sigurt inteligjenca artificiale.

Shtetet e Bashkuara, Britania dhe dhjetëra vende të tjera zbuluan të dielën atë që një zyrtar i lartë amerikan e përshkroi si marrëveshjen e parë gjithëpërfshirëse ndërkombëtare mbi sigurinë e inteligjencës artificiale. Marrëveshja kërkon që kompanitë t'i bëjnë sistemet e AI të sigurta nga aspekti i projektimit.

Në një dokument prej 20 faqesh të zbuluar të dielën, vendet ranë dakord që kompanitë që projektojnë dhe përdorin inteligjencën artificiale duhet ta zhvillojnë atë në një mënyrë që mbron klientët dhe publikun nga abuzimi.

Marrëveshja nuk është detyruese dhe kryesisht përmban rekomandime të përgjithshme si monitorimi i sistemeve të AI për të ndalur keqpërdorimin dhe mbrojtja e të dhënave nga manipulimi.

Marrëveshja është e fundit në një seri marrëveshjesh nga qeveritë në mbarë botën për të formësuar zhvillimin e inteligjencës artificiale.

Përveç Shteteve të Bashkuara dhe Anglisë, 17 vende duke përfshirë Gjermaninë, Italinë, Republikën Çeke, Estoninë, Poloninë, Australinë, Kilin, Nigerinë dhe Singaporin nënshkruan direktivën e re.

Ligjvënësit evropianë po kërkojnë gjithashtu të zhvillojnë rregullore në lidhje me inteligjencën artificiale. Franca, Gjermania dhe Italia gjithashtu arritën së fundi një marrëveshje për mënyrën e rregullimit të AI, e cila mbështet vetërregullimin e detyrueshëm për modelet e AI.

Administrata Biden i ka nxitur ligjvënësit të miratojnë ligje mbi inteligjencën artificiale, por Kongresi amerikan ka bërë pak përparim në miratimin e rregulloreve efektive.