ISIS përgjegjës për shpërthimin terrorist në Filipine
Në një deklaratë, grupi terrorist ISIS mori përgjegjësinë për shpërthimin terrorist në jug të Filipineve.
Sipas agjencisë së lajmeve Iran Press, një shpërthim ndodhi gjatë një ceremonie fetare katolike në gjimnazin e Universitetit Shtetëror Mindanao në Maraëi (në jug të Filipineve), duke vrarë katër dhe duke plagosur 50 persona. Në një deklaratë të dielën, grupi terrorist ISIS mori përgjegjësinë për shpërthimin në një ceremoni fetare katolike në një universitet të vendosur në qytetin Maraëi në jug të Filipineve. Presidenti i Filipineve Ferdinand Marcos Jr. tha: Dënoj fuqishëm aktet mizore dhe të urryera të milicive të huaja. Këta ekstremistë që shtypin njerëzit e pafajshëm janë gjithmonë armiq të shoqërisë sonë. Ministri i Mbrojtjes i Filipineve, Gilberto Teodoro gjithashtu në një konferencë për shtyp tha: Vazhdon pa ndërprerje hetimi dhe ndjekja penale e autorëve të këtij akti terrorist. Pas këtij sulmi terrorist, policia dhe ushtria e këtij vendi shtuan masat e sigurisë në jug dhe rreth kryeqytetit Manila.
