Kina kundërshton kontaktet zyrtare midis SHBA dhe Tajvanit

Kina njoftoi se është kundër vizitës së delegacionit të Kongresit amerikan në Tajvan dhe çdo kontakti zyrtar midis Uashingtonit dhe Tajvanit.

“Tajvani është pjesë e pandashme e Kinës”, tha Liu Pengyu, zëdhënësi i Ambasadës Kineze në Uashington. Pekini kundërshton me vendosmëri çdo kontakt zyrtar me rajonin e Tajvanit. Ai theksoi: Amerika duhet të ndjekë seriozisht parimin e një Kine dhe tre deklaratat mes Uashingtonit dhe Pekinit. Zëdhënësi i ambasadës kineze në Uashington shtoi: Amerika duhet të ndërpresë kontaktet zyrtare me Tajvanin dhe të mos dërgojë mesazhe të rreme për "pavarësinë e Tajvanit", si dhe të përmbahet nga ndërhyrja në zgjedhjet e Tajvanit.  Presidenti amerikan Joe Biden të shtunën për zgjedhjet në ishullin e Tajvanit tha: Ne nuk e mbështesim pavarësinë e Tajvanit. Ndërkohë, kryetari i Dhomës së Përfaqësuesve të SHBA-së, Mike Johnson, njoftoi se në maj mund të vizitojë Tajvanin. Lai Ching-te, kandidati i Partisë Demokratike Progresive në pushtet, të shtunën fitoi zgjedhjet presidenciale të Tajvanit. Ai ka pozicione pro pavarësisë dhe fitorja e tij nuk është aspak e këndshme për Kinën. Sipas Komisionit Qendror të Zgjedhjeve të Tajvanit, Lai fitoi 40.05 për qind të votave. Ndërsa, Hu Yue nga partia opozitare Kuomintang fitoi 33.49 për qind dhe Ku Wen Jae nga Partia Popullore e Tajvanit, fitoi 26.46 për qind të votave.