Borrell:  Bashkimi Evropian është i shqetësuar për situatën në Gaza

Duke shprehur shqetësimin për planin e regjimit sionist për të sulmuar Rafahun, kreu i politikës së jashtme të Bashkimit Evropian paralajmëroi se ky veprim do të përkeqësojë situatën katastrofike njerëzore në Gaza.

Joseph Borrell në një deklaratë të premten njoftoi:  Bashkimi Evropian është shumë i shqetësuar për planet e regjimit izraelit për një operacion të mundshëm tokësor në Rafah, ku aktualisht po strehohen më shumë se një milion palestinezë. Bashkimi Evropian i kërkon Izraelit të mos ndërmarrë veprime ushtarake në Rafah, sepse ofensiva ushtarake do të përkeqësojë situatën katastrofike njerëzore dhe do të parandalojë ofrimin e shërbimeve bazë dhe ndihmave humanitare që nevojiten urgjentisht. Bashkimi Evropian nënvizon rëndësinë e garantimit të mbrojtjes së të gjithë civilëve në çdo kohë në përputhje me të drejtën ndërkombëtare humanitare dhe respektimin e vendimit ligjërisht të detyrueshëm të Gjykatës Ndërkombëtare të Drejtësisë të 26 janarit. Kryeministri izraelit Benjamin Netanyahu njoftoi së fundmi se operacionet tokësore në Rafah do të fillojnë brenda 2 javëve të ardhshme. Kryeministri i regjimit sionist, duke vazhduar ambiciet e tij, kërkoi shkatërrimin e batalioneve ushtarake të lëvizjes Hamas në Rafah para muajit të Ramazanit.