Kina ruan pozitën si fuqia më e lartë diplomatike në botë
Kina ka rrjetin diplomatik më të zgjeruar në botë, përpara Shteteve të Bashkuara që renditen në vendin e dytë, sipas Indeksit të Diplomacisë Globale 2024 i publikuar nga Instituti Lowy i Australisë.
Të dhënat treguan se SHBA ka 271 misione diplomatike të shpërndara në të gjithë globin, ndërsa Kina ka 3 më shumë.
Në vitin 2019 Kina e kaloi SHBA-në si vendi me rrjetin më të madh global të ambasadave dhe konsullatave.
Raporti i Institutit Lowy studion rrjetet diplomatike të 66 vendeve dhe territoreve në Azi, të Grupit 20 dhe Organizatës për Bashkëpunim dhe Zhvillim Ekonomik (OECD).
Indeksi tregoi se Turqia e vendit të tretë po zgjeronte me shpejtësi rrjetet e saj diplomatike, duke shtuar 11 përfaqësi jashtë shtetit që nga viti 2021. Shumica e këtyre posteve të reja ishin në Afrikë, duke reflektuar angazhimet e saj ekonomike në rritje në rajon dhe aspiratën e saj për t'u afirmuar si lider në Jugun Global.
Raporti thoshte se lufta e Ukrainës me Rusinë kishte çuar në një rrjet diplomatik në pakësim në disa vende.
India – pavarësisht agjendës së saj të politikës së jashtme, veçorive demografike dhe madhësisë ekonomike – u rendit e 11-ta në Indeksin e Diplomacisë Globale nga Instituti Lowy.