Britanikët kërkuan ndalimin e eksportit të armëve për regjimin sionist

Aktivistët britanikë protestuan kundër mbajtjes së një ekspozite armësh me pjesëmarrjen e kompanive sioniste në Londër dhe kërkuan ndalimin e eksportit të armëve nga Anglia për këtë regjim.

Sipas Al Jazeera, aktivistët anglezë organizuan një demonstratë përpara stadiumit Twickenham për të protestuar kundër mbajtjes së një ekspozite armësh me pjesëmarrjen e kompanive izraelite që pajisin ushtrinë izraelite me armë të ndryshme për të vrarë popullin e Gazës dhe kërkuan ndalimin e eksportin e armëve në këtë regjim. Duke mbajtur pankarta me slogane të shkruara në mbështetje të popullit të Gazës, pjesëmarrësit në këtë demonstratë dënuan shitjen e armëve britanike për regjimi sionist. Më herët, mijëra mbështetës palestinezë demonstruan për të 19 javë radhazi në shenjë proteste kundër krimeve barbare të kryera nga regjimi sionist në Gaza dhe kërkuan një armëpushim të menjëhershëm në këtë rajon. Pjesëmarrës me kombësi dhe fe të ndryshme, vërshuan edhe një herë në rrugët e kryeqytetit britanik dhe brohoritën parulla për drejtësinë, fundin e aparteidit dhe një armëpushim të menjëhershëm në Gaza. Të pranishmit në këtë lëvizje protestuese kërkuan ndërprerjen e ndihmës britanike me armë për regjimin sionist dhe dëbimin e ambasadorit të këtij regjimi nga Londra. Ndërsa mbanin flamurin palestinez, ata mbanin pankarta me shkrime: “Stop pushtimit”, “Liri Palestinës” dhe “Vendosja e armëpushimit”.