Rusia: SHBA u ekspozua duke mbuluar Ukrainën pas masakrës së Moskës
Rusia deklaroi se Shtetet e Bashkuara po mbulojnë Ukrainën duke mohuar se Kievi ishte i përfshirë në sulmin e fundit terrorist në kompleksin Crocus në periferi të Moskës.
Zëdhënësja e Ministrisë së Jashtme ruse Maria Zakharova në një intervistë me RIA Novosti të mërkurën tha se reagimi i Uashingtonit ndaj sulmit terrorist tregon një sjellje të njëanshme.
“Nëse Kievi nuk do të ishte përfshirë në të vërtetë në këtë sulm, reagimi i parë i Uashingtonit do të kishte qenë të theksonte nevojën për një hetim”, tha Zakharova duke shtuar: “Ata filluan të qajnë, duke mos bërë thirrje për hetim, por duke mbuluar Ukrainën. Paragjykimi dhe përfshirja e tyre në këtë çështje është evidente.”
"Ata (amerikanët) e kanë ekspozuar veten", shtoi zëdhënësja e Ministrisë së Jashtme ruse.
Shefi i inteligjencës së brendshme ruse (FSB) Alexander Bortnikov ka sugjeruar se jo vetëm Ukraina, por edhe SHBA dhe Britania – mbështetësit kryesorë të Kievit– mund të kenë qenë pas sulmit terrorist në Moskë.
Ai tha se informacioni për këtë çështje ishte i përgjithshëm, por se hetuesit tashmë kanë rezultate konkrete.
Presidenti rus Vladimir Putin tha se sulmuesit u kapën duke ikur drejt Ukrainës ku, sipas të dhënave paraprake, ishte përgatitur një dritare për të kaluar kufirin. Shërbimi Federal i Sigurisë i Rusisë ka thënë gjithashtu se personat e armatosur kishin planifikuar të udhëtonin në Ukrainë, ku do të priteshin si "heronj". FSB tha se shërbimet e inteligjencës perëndimore i ndihmuan sulmuesit.
