Zelensky:  Situata në Donetsk është e rëndë

Duke shpjeguar krizën e këtij vendi në frontin e betejës, presidenti i Ukrainës kërkoi më shumë ndihma nga perëndimi.

Sipas agjencisë së lajmeve Mehr, cituar nga Tass, presidenti ukrainas Volodymyr Zelenskiy të hënën pranoi përkeqësimin e situatës së vendit në betejën me Rusinë. Presidenti i Ukrainës fajësoi vendet perëndimore për situatën aktuale për shkak të ndihmave të kufizuara ushtarake për këtë vend. Zelensky tha se situata në frontin e luftës po bëhet gjithnjë e më e vështirë.  Këto ditë tha ai, veçanërisht në rajonet e Donetskut, puna është bërë edhe më e vështirë. Duke iu referuar ndihmës së vendeve perëndimore ndaj regjimit sionist gjatë sulmit me raketa dhe dron të Iranit ndaj Palestinës së pushtuar, ai kërkoi edhe një herë më shumë ndihmë nga Amerika dhe vendet perëndimore. Kohët e fundit, gazeta Financial Times, duke cituar burime të informuara, raportoi se në mes të sulmeve të shtuara ajrore ruse, Ukraina ka rritur presionin ndaj disa vendeve evropiane për të marrë sisteme të mbrojtjes ajrore. Sipas këtij burimi, ky veprim është ndërmarrë pasi vendet e tjera perëndimore refuzuan kërkesën e Ukrainës për të tilla sisteme.  Polonia, Spanja dhe Rumania janë vendet nga të cilat Ukraina dëshiron të marrë sisteme të mbrojtjes ajrore. Zelensky të enjten tha: Çdo ditë ata sulmojnë Ukrainën dhe çdo ditë dëgjojmë se Ukraina do të marrë sisteme të reja të mbrojtjes ajrore.