Policia e Uashingtonit pastron kampin pro-palestinez, arreston dhjetëra
Policia amerikane ka arrestuar dhjetëra studentë pas pastrimit të një kampi të protestuesve pro-palestinezë në Universitetin George Washington në Uashington DC.
Të mërkurën, qindra oficerë hynë në kampus dhe përdorën spraj me piper për të shpërndarë protestuesit dhe për të pastruar kampin, sipas GW Hatchet, gazetës së pavarur të universitetit të drejtuar nga studentët.
Midis 30 dhe 40 protestues u arrestuan, sipas CNN.
Duke cituar burime të njohura, gazeta tha se policia akuzoi disa protestues për hyrje të paligjshme në kampus.
Protestuesit mbanin në duar pankarta ku shkruhej: "Liri për Palestinën" dhe "Larg duart nga Rafahu".
Që nga mesi i prillit, studentët kanë demonstruar kundër luftës së Izraelit në Gaza në rreth 140 kolegje në Shtetet e Bashkuara.
Demonstrata të ngjashme janë përhapur edhe në kampuset universitare në Britani, Francë, Australi, Kanada dhe gjetkë.
