Blinken: Putini nuk po i arrin qëllimet në Ukrainë
Sekretari amerikan i Shtetit, Antony Blinken ka realizuar një vizitë të papritur në Ukrainë në mes të një ofensive të re ruse.
“Shtetet e Bashkuara kanë qenë pranë jush që nga dita e parë. Ne jemi me ju sot dhe do të qëndrojmë pranë jush”, pohoi ai.
“Ju i keni mohuar Putinit qëllimin kryesor – fshirjen e Ukrainës nga harta”, tha Sekretari amerikan i Shtetit.
Ai vuri në dukje se presidenti amerikan, Joe Biden rifilloi dërgesat e municioneve në shtetin ukrainas “brenda një minute” pasi Kongresi miratoi një paketë ndihme prej 61 miliardë dollarësh.
“Ne po e sjellim Ukrainën më afër dhe më pas në NATO”, pohoi zyrtari amerikan dhe shtoi se “ne do të sigurohemi që ura e Ukrainës me NATO-n të jetë e fortë”.
Armët nga një paketë e re ndihme amerikane për Ukrainën kanë filluar të mbërrijnë në vijën e parë të frontit.
Kjo pasi që pas një viti ngërçi politik në SHBA, presidenti Joe Biden miratoi mbështetje ushtarake me vlerë pothuajse 61 miliardë dollarë në prill.
Të paktën 8 miliardë dollarë do të përdoren për të ri-furnizuar Ukrainën me raketa dhe municion.
