Zelensky u drejtohet aleatëve: Dërgoni mjete ushtarake!

Presidenti Ukrainas Volodymyr Zelensky thotë se Rusia mund të rrisë sulmet e saj në verilindje të Ukrainës.

Trupat ruse janë përpjekur të përparojnë ndërsa forcat e armatosura të Ukrainës përpiqen të mbështesin një vijë fronti të dobësuar.

Zelensky pranoi se kishte probleme me personelin ushtarak, duke thënë se një numër brigadash ekzistuese ishin bosh.

Ai i tha gjithashtu se flota ajrore e vendit mungonte dhe ripërsëriti thirrjet për aleatët që të dërgonin më shumë mbrojtje ajrore dhe avionë luftarakë. “Sot kemi rreth 25% të asaj që na nevojitet për të mbrojtur Ukrainën”, tha Zelensky për aftësitë ajrore të Ukrainës.

“Që Rusia të mos ketë epërsi ajrore, flota jonë duhet të ketë 120 deri në 130 avionë modernë”.

Zelensky gjithashtu tha se më shumë ushtarë nevojiteshin dëshpërimisht në vijat e frontit. “Ka një numër serioz brigadash, brigada ekzistuese, të cilat një numër i madh i tyre janë bosh. Ne duhet ta bëjmë këtë që djemtë të kenë një rotacion normal. Pastaj do të përmirësohet morali i tyre”.

Në shkurt, Zelensky njoftoi se 31,000 ushtarë ukrainas ishin vrarë gjatë agresionit të Rusisë.

Në mënyrë tipike, zyrtarët ukrainas nuk i bëjnë publike shifrat e viktimave dhe vlerësimet e tjera janë shumë më të larta.