BE bën thirrje për armëpushim në Gaza

Shefi i politikës së jashtme të BE-së e ka quajtur të padurueshme situatën humanitare në Rripin e Gazës.

"Situata në Gaza është më e keqe se kurrë," u tha gazetarëve shefi i politikës së jashtme evropiane, Joseph Borrell, i cili ndodhet në Uashington për të marrë pjesë në samitin e ministrave të jashtëm të G7. Gjatë nëntë muajve të fundit situata njerëzore është përkeqësuar dhe është bërë e padurueshme. Borrell theksoi se "njerëzimi duhet të fitojë" dhe bëri thirrje për një armëpushim të menjëhershëm në Gaza dhe dërgimin e ndihmave humanitare për njerëzit në nevojë në këtë rajon. Shefi i politikës së jashtme të BE-së kritikoi vendimin e fundit të regjimit izraelit për të zgjeruar vendbanimet në Bregun Perëndimor, duke thënë se ministrat e jashtëm të G7 do të dënojnë veprimin e fundit të kabinetit izraelit, i cili është kundër ligjit ndërkombëtar. Regjimi izraelit gjatë nëntë muajve të fundit ka kryer vrasje masive në Gaza, duke mbyllur të gjitha pikat kufitare dhe duke parandaluar hyrjen e ndihmave humanitare në këtë zonë, duke e kthyer atë në një gërmadhë të madhe.