Trump: Biden, viktimë e puçit të demokratëve
Kandidati republikan për zgjedhjet e vitit 2024 në SHBA beson se presidenti i këtij vendi, Joe Biden, u bë viktimë e një puçi nga anëtarët e partisë së tij.
Donald Trump, kandidati republikan për president i Shteteve të Bashkuara të Amerikës, beson se demokratët janë fajtorë për puçin kundër presidentit aktual të Shteteve të Bashkuara të Amerikës, Joe Biden.
Në një intervistë për rrjetin Fox News, ish-presidenti i Shteteve të Bashkuara të Amerikës, në përgjigje të pyetjes nëse situata aktuale në lidhje me presidentin aktual të Shteteve të Bashkuara të Amerikës mund të quhet puç, tha: "Në një farë mënyre".
Përveç kësaj, James David Vance, zëvendësi (running-mate) i Trumpit, i cili ishte gjithashtu i pranishëm në këtë intervistë, tha se nëse demokratët synojnë të largojnë Bidenin për shkak të paaftësisë së tij mendore, duhet të bazohen në Amendamentin e 25-të të Kushtetutës së SHBA-së. "Ju nuk mund ta bëni këtë në mënyrën më të favorshme politikisht për demokratët", tha ai.
Biden u tërhoq nga zgjedhjet presidenciale amerikane të shtunën pas rritjes së presionit brendapartiak. Mosha e vjetër, gafat e shumta, paaftësia fizike e mendore dhe performanca e pasuksesshme në debatin e parë zgjedhor kundër Trumpit, u përmendën si arsyet më të rëndësishme të zhgënjimit të demokratëve me Bidenin.
