Mbyllet Qendra Islamike e Hamburgut në Gjermani
Qeveria gjermane mbylli Qendrën Islamike të Hamburgut në këtë vend.
Sipas agjencisë së lajmeve Mehr, policia gjermane ka sulmuar të mërkurën Qendrën Islamike të Hamburgut (IZH), dhe në të njëjtën kohë, Ministria e Brendshme gjermane, me anë të një komunikate ka bërë të ditur se ka ndaluar aktivitetet e kësaj qendre islamike dhe të organizatave të lidhura me të.
Vjeshtën e kaluar, policia gjermane sulmoi Qendrën Islamike të Hamburgut dhe 54 qendra të tjera në 7 shtete federale me pretekstin e hetimit të disa pretendimeve të rreme dhe të padokumentuara.
Ministria e Brendshme gjermane, në një deklaratë të Ministres së Brendshme gjermane të asaj kohe, Nancy Faeser, pa iu referuar krimeve të vazhdueshme të pushtuesve të Kudsit kundër popullit të shtypur palestinez në Rripin e Gazës, njoftoi: "Nuk do të tolerojmë propagandën anti-izraelite! Duhet të jemi shumë vigjilentë dhe të marrim masa serioze. Për këtë arsye, ne po hetojmë me vendosmëri."
Për shkak të pranisë së fuqishme të lobeve të regjimit sionist dhe grupit terrorist të hipokritëve MEK në disa qytete gjermane, herë pas here në hapësirën mediatike gjermane janë ngritur akuza dhe insinuata ndaj këtij institucioni dhe organizatave fetare e kulturore, por javët e fundit sulmet mediatike dhe politike kundër Qendrës Islamike të Hamburgut janë shtuar më shumë.
Qendra Islamike e Hamburgut është një nga qendrat e rëndësishme dhe të vjetra islame të Gjermanisë, e cila u themelua në Hamburg në vitin 1953 me mbështetjen e Ajetollah Buruxherdit, një studiues iranian i jurisprudencës islame.
Pas aksionit të policisë gjermane për mbylljen e një sërë qendrash islame në këtë vend; ambasadori gjerman është thirrur në Ministrinë e Jashtme të Iranit.
Sipas agjencisë iraniane të lajmeve IRNA, pas veprimeve të policisë gjermane për mbylljen e një numri qendrash islamike, ambasadori gjerman Hans-Udo Motsel është thirrur sot (të mërkurën) në Ministrinë e Punëve të Jashtme të Iranit nga Drejtori i Përgjithshëm i Evropës Perëndimore.
Në këtë takim, duke dënuar veprimin armiqësor dhe në kundërshtim me parimet themelore të të drejtave të njeriut, atij iu komunikua protesta e fortë e Republikës Islamike të Iranit.
