Përpjekjet e sionistëve të Amerikës për të izoluar politikanët kundër Izraelit

Pars Today- Lobistët e regjimit sionist po përpiqen të parandalojnë fitoren e figurave pro-palestineze në zgjedhjet amerikane duke shpenzuar buxhete të mëdha.

Zhvillimet në Shtetet e Bashkuara të Amerikës raportojnë se një grup njerëzish të pasur që mbështesin regjimin sionist në Shtetet e Bashkuara të Amerikës kanë mbledhur qindra mijëra dollarë fonde në ditët e fundit për të nisur një fushatë kundër Ilhan Omar, një politikane myslimane pro-palestinez.

 Sipas Pars Today dhe duke cituar agjencinë e lajmeve ISNA, Ilhan Omar, e cila po tenton të prezantohet si përfaqësuese e Partisë Demokratike në zonën e saj, duke fituar zgjedhjet brendapartiake, deri më sot ka arritur të mbledhë donacione tre herë më shumë se rivali i saj demokrat Don Samuels në këtë zonë zgjedhore.

Komiteti Amerikano-Izraelit i Marrëdhënieve Publike, i njohur si AIPAC, është një nga grupet më të mëdha dhe më të fuqishme të lobit sionist në Shtetet e Bashkuara të Amerikës, me më shumë se 100,000 anëtarë, duke shpenzuar miliona dollarë çdo vit dhe duke investuar për të ndikuar në politikat amerikane dhe për të avancuar kërkesat sioniste.

Pak kohë më parë, duke shpenzuar një shumë të madhe parash, AIPAC mundi të largonte nga raundi zgjedhor Cory Bush, një kandidat demokrat i cili nuk ishte i favorizuar nga kjo organizatë lobuese.

Ndonëse Ilhan Omar nuk u përball me një sfidë të konsiderueshme nga AIPAC në raundin paraprak të zgjedhjeve të këtij viti, revista “Intercept” raportoi për zbulimin e një grupi në hapësirën kibernetike me titullin “Zionistët për Don Samuels dhe kundër Ilhan Omar”.

Anëtarët e këtij grupi janë t'u punuar shumë për mbledhjen e fondeve për të zëvendësuar Ilhan Omar, një tjetër kandidate demokrate, me Don Samuels, për të hyrë në zgjedhjet e Kongresit në nëntor.

Sipas "Intercept", në një nga mesazhet e këtij grupi, përmendet se brenda 24 orëve janë grumbulluar afro 100 mijë dollarë fonde për luftën kundër “Ilhan Omarit”.

Mekanizmi i mbështetjes financiare në zgjedhjet e Amerikës

Në zgjedhjet në SHBA, donacionet financiare nuk kufizohen vetëm në atë që njerëzit e zakonshëm dhe organizatat joqeveritare kontribuojnë drejtpërdrejt në shtabin e fushatës. Një qytetar amerikan mundet në mënyrë indirekte dhe pa asnjë lidhje me selinë e fushatës së një kandidati, të shpenzojë para për të reklamuar në favor të tij ose kundër rivalëve të tij. Qytetarët, organizatat dhe lobistët amerikanë e bëjnë këtë përmes organizatave private të quajtura Komitete të Veprimit Politik ose PAC.

Këto komitete janë aktualisht dy llojesh: komitete të lidhura me shtabet e kandidatëve, të cilat mbledhin shuma të kufizuara parash për shtabin e fushatës, dhe komitete të pavarura nga selitë e kandidatëve, të cilat mbledhin kontribute të pakufizuara.

Kategoria e dytë njihet si “Super Pack” dhe ndryshe nga kategoria e parë, paratë që ka mbledhur nuk lejohet t’i japë selisë së reklamave dhe duhet t’i shpenzojë në mënyrë të pavarur.

Për shkak se superpake-tat nuk kanë kufi për sa para mund të marrin, kandidatët mund të rrisin në mënyrë dramatike shanset e tyre për të fituar zgjedhjet duke shpenzuar shuma të mëdha parash, diçka që shumë amerikanë e kanë kundërshtuar duke e quajtur atë si burim korrupsioni.

Sipas "Middle East Eye", lobi sionist shpenzoi shumë para për të zgjedhur demokratët e moderuar në zgjedhjet amerikane të këtij viti, me qëllim që të parandalonte që përfaqësuesit progresivë si Ilhan Omar të merrnin detyrën. Përfaqësues që kritikuan hapur veprimet e regjimit sionist dhe deklaruan mbështetjen e tyre për Palestinën.

Ndonëse aktiviteti i lobit sionist në zgjedhjet amerikane ka qenë prej kohësh i zakonshëm, por me fillimin e luftës së Gazës, lobi sionist ka shtuar shumë përpjekjet e tij për t'u përballur me figurat pro-palestineze në Shtetet e Bashkuara të Amerikës.

“Ilhan Omar” nuk është gjithashtu e panjohur për sulmet e grupeve pro-sioniste. Që kur fitoi zgjedhjet e Kongresit në vitin 2018, ajo është bërë një nga objektivat kryesore të sulmeve nga mbështetësit e sionizmit.