OKB: Përshkallëzimi i luftës në Liban duhet të ndalet

Kombet e Bashkuara kanë theksuar se përshkallëzimi izraelit i luftës kundër Libanit duhet të ndalet menjëherë, mes dhunës vdekjeprurëse dhe bombardimeve nga regjimi izraelit.

OKB-ja shprehu shqetësim të thellë të hënën për përshkallëzimin në Liban, ku sulmet e fundit të regjimit izraelit kanë vrarë qindra libanezë, duke përfshirë gra dhe fëmijë.

“Sulmet që pamë në pajisjet e komunikimit, të ndjekur nga sulmet me raketa dhe shkëmbimi i zjarrit nga të dyja palët shënon një përshkallëzim të vërtetë,” tha për AFP Ravina Shamdasani, zëdhënëse e zyrës së të drejtave të OKB-së.

“Ajo për të cilën kemi paralajmëruar gjatë gjithë kohës, përhapja rajonale e konfliktit po ndodh dhe duket se si veprimet, ashtu edhe retorika e palëve në konflikt po e çojnë konfliktin në një nivel tjetër. Por në vend të një de-përshkallëzimi, ajo që kemi parë është retorikë e mëtejshme me plane të mëtejshme të një përshkallëzimi," tha ajo duke shtuar se kjo duhet të ndalet.