Borrell: Sulmet izraelite ndaj UNIFIL janë të papranueshme
Përfaqësuesi i Lartë i BE-së për Politikën e Jashtme dhe Sigurinë i ka përshkruar sulmet e regjimit sionist ndaj misionit paqeruajtës të OKB-së (UNIFIL) në Liban si krejtësisht të papranueshme, duke thënë se shteteve anëtare të Bashkimit Evropian iu desh shumë kohë për të dënuar sulmet izraelite.
“Ne duhet të kundërshtojmë sulmet izraelite ndaj UNIFIL. Ushtarët tanë janë atje, shumë ushtarë janë atje”, deklaroi të hënën më 14 tetor, Josep Borrell, Përfaqësuesi i Lartë i BE-së për Punët e Jashtme dhe Politikën e Sigurisë, gjatë një takimi ministror të BE-së në Luksemburg.
“Sulme të tilla kundër paqeruajtësve të OKB-së përbëjnë një shkelje serioze të së drejtës ndërkombëtare dhe janë krejtësisht të papranueshme. Këto sulme duhet të ndalen menjëherë”, tha Borrell në një deklaratë në emër të BE-së.
Blloku shprehu shqetësim veçanërisht serioz në lidhje me sulmet e kryera nga forcat e ushtrisë izraelite kundër Forcave të Përkohshme të Kombeve të Bashkuara në Liban, të cilat lanë disa paqeruajtës të plagosur.
Borrell tha se të gjithë aktorët në konflikt kanë detyrimin të marrin masat e nevojshme për të garantuar sigurinë e personelit të OKB-së.
