Tajfuni i madh “Man Yi” në Filipine / Evakuohen 650 mijë persona
Super tajfuni të shtunën Man Yi goditi Filipinet. Shërbimi Kombëtar i Motit të vendit paralajmëroi për pasoja "potencialisht katastrofike dhe kërcënuese për jetën" pasi dallgët kanë goditur masivisht vijën bregdetare të vendit.
Sipas agjencisë IRNA, më shumë se 650,000 njerëz u larguan nga shtëpitë e tyre para se stuhia të arrinte në bregdet. Tajfuni Man-Yi prodhoi erëra me shpejtësi deri në 195 kilometra në orë të cilat kanë goditur provincën ishullore të mbipopulluar Catanduanes. Sipas një eksperti të motit në Filipine, tajfuni krijoi valë deri në 14 metra që goditën bregun e Catanduanes, ndërsa në 48 orët e ardhshme Manila dhe zona të tjera bregdetare janë në rrezik nga një tjetër tajfun. Meteorologu shtoi se erërat që po fryjnë në verilindje të provincave Catanduanes dhe Camarines Sur janë një "kërcënim i rëndë për jetën dhe pronën". Energjia në Catanduanes u ndërpre para stuhisë dhe strehimoret dhe qendra komanduese po përdorin gjeneratorë për energji. Man-Yi është tajfuni i gjashtë i madh që godet Filipinet në muajin e kaluar. Gjatë pesë tajfunëve që goditën Filipinet në javët e fundit, të paktën 163 njerëz vdiqën, mijëra mbetën të pastrehë dhe u shkatërruan të korrat dhe bagëtitë.
