Ukraina ndaloi transferimin e gazit rus në Evropë

Në orët e para të vitit të ri 2025, u ndalua eksporti i gazit rus në Evropë nga territory i Ukrainës.

Sipas raportit të rrjetit televiziv Euronews, kjo ndalesë ka ndodhur për shkak të përfundimit të marrëveshjes së tranzitit mes dy vendeve dhe pamundësisë së Moskës dhe Kievit për të arritur një marrëveshje të re gjatë luftës aktuale.

Kompania shtetërore ruse Gazprom njoftoi në një deklaratë: “Për shkak të refuzimit të përsëritur dhe të qartë të palës ukrainase për të rinovuar këto marrëveshje, Gazprom teknikisht dhe ligjërisht e humbi mundësinë e ofrimit të gazit për tranzit përmes territorit të Ukrainës.”

Në vitin 2015, Ukraina ndaloi blerjen e gazit natyror nga Rusia, por deri në fund të vitit 2024, bazuar në vlefshmërinë e kontratës së tranzitit, ajo transferonte gaz në për Evropë.

Herman Galushchenko, ministri ukrainas i Energjisë, në një deklaratë tha: “Ne kemi ndaluar tranzitin e gazit rus. Kjo është një ngjarje historike. Rusia do të humbasë tregjet e saj dhe do të pësojë humbje financiare. Gjithashtu, më herët Evropa kishte vendosur ta braktiste gazin rus.”

Pezullimi i eksporteve të gazit rus në Evropë përmes Ukrainës i jep fund një dekade marrëdhëniesh të tensionuara mes Moskës dhe Kievit. Këto tensione filluan pas aneksimit të Krimesë nga Rusia në vitin 2014 dhe Ukraina ndaloi blerjen e gazit nga Rusia në vitin 2015.

Pas fillimit të luftës në Ukrainë në vitin 2022, Bashkimi Evropian ka dyfishuar përpjekjet e tij për të reduktuar varësinë nga energjia ruse dhe ka kërkuar burime alternative.

Vendet që vazhdonin të blenin gazin rus përmes Ukrainës, si Sllovakia dhe Austria, kanë marrë masa gjithashtu për sigurimin e burimeve alternative.

Megjithatë, Moldavia, e cila dikur ishte pjesë e Bashkimit Sovjetik, është një nga vendet më të prekura nga kjo ndalesë. Ky vend ka njoftuar se duhet të ulë konsumin e gazit me një të tretën. Ukraina do të humbasë rreth 800 milionë dollarë në vit për shkak të humbjes së të ardhurave nga të drejtat e tranzitit të gazit.

Nga ana tjetër, edhe Gazprom do të humbasë afro 5 miliardë dollarë nga shitja e gazit të vet.