Cilat vende fshihen pas luftës me dron në Afrikë?

ParsToday - Një media britanike raportoi për përhapjen e pa monitoruar të dronëve me kosto të ulët në Afrikë.

Gazeta britanike “The Guardian” në një raport ka shkruar: “Përhapja e dronëve ushtarakë pa asnjë kontroll në Afrikë vazhdon dhe pothuajse 1000 civilë janë vrarë nga sulmet me dron ushtarak në të gjithë kontinentin”. Sipas ParsToday, në tre vitet që përfundojnë në nëntor të viti 2024, të paktën 50 sulme vdekjeprurëse nga forcat e armatosura u regjistruan në Afrikë.

Sipas ISNA dhe cituar nga "The Guardian", shumica e dronëve ushtarakë në Afrikë importohen nga Turqia dhe gjithashtu nga Kina. Sipas ekspertëve ushtarakë, këta dronë janë në gjendje të fluturojnë për orë të gjata në distanca të gjata, të kryejnë operacione zbulimi dhe sulme ajrore.

Deri më tani, përdorimi i dronëve ushtarakë është konfirmuar në të paktën gjashtë zona konflikti në Afrikë.

Sulmet me dron nga forcat e armatosura etiopiane kundër grupeve të tilla si Fronti Popullor Çlirimtar Tigray kanë vrarë më shumë se 490 civilë në 26 sulme të veçanta. Diku tjetër, të paktën 64 civilë janë vrarë në nëntë sulme me dronë të kryera nga forcat e armatosura të Malit kundër grupeve separatiste në veri të vendit.

Në Burkina Faso, studiuesit zbuluan gjithashtu se më shumë se 100 civilë janë vrarë në sulmet me dron nga ushtria e këtij vendi.

Përdorimi i këtyre dronëve në zonat me popullsi të dendur të Sudanit, siç janë tregjet e Khartoum, ka pasur pasoja të tmerrshme për civilët. Raporti pretendon se forcat e armatosura sudaneze kanë përdorur dronë kinezë dhe turq, ndërsa forcat e reagimit të shpejtë kanë përdorur drone të furnizuar nga Emiratet e Bashkuara Arabe.

Sipas këtij raporti, në Burkina Faso, forcat ushtarake të këtij vendi kanë përdorur në luftimet e tyre drone “Bayraktar TB2” të prodhimit të Turqisë. Megjithatë, rrëfimet nga burimet në terren shpesh japin një pamje të ndryshme, duke treguar se këto sulme me dron rezultojnë në viktima të larta civile. Për shembull, në një sulm në rajonin e Sahelit në gusht të vitit 2023, dronët synuan një treg në fshatin Boro, duke vrarë të paktën 28 ​​civilë.

Cora Morris, një analist i Grupit të Luftës së Dronëve në Mbretërinë e Bashkuar, tha në lidhje me këtë: "Ka pasur kërkime të gjera për zgjerimin e përdorimit të dronëve ushtarakë në luftën e Ukrainës, por vëmendje e pamjaftueshme i është kushtuar rritjes së përdorimit të dronëve më të lirë, të importuar në Afrikë, duke përfshirë dronët Bayraktar TB2 të Turqisë".