Një botë pa fitues komercial; Trump, lajmëtari i recesionit ekonomik

Pars Today - Kryeministri i Anglisë, duke kritikuar vendosjen e tarifave të rënda nga Shtetet e Bashkuara të Amerikës ndaj mallrave të importuara nga vende të ndryshme tha se askush nuk do ta fitojë një luftë tregtare.

Presidenti i Amerikës njoftoi një tarifë globale "bazë" prej 10% për të gjitha mallrat e importuara në SHBA në ditën që njihet si "Dita e Pavarësisë" (2 Prill 2025). Trump zbuloi gjithashtu një tarifë prej 10% për mallrat britanike dhe 20% për mallrat e Bashkimit Evropian në një moment historik për tregtinë botërore.

Prandaj, Shtetet e Bashkuara të Amerikës do të synojnë disa vende me tarifa shumë më të rënda deri në 50%.

Sipas agjencisë së lajmeve Pars Today, duke cituar nga agjencia e lajmeve Mehr, kryeministri britanik Keir Starmer, të dielën, në përgjigje të tarifave të rënda të presidentit Trump për mallrat e importuara në Amerikë tha: “Askush nuk do ta fitojë një luftë tregtare dhe bota që kemi njohur tashmë ka mbaruar. Tani po përgatitemi për një të ardhme të panjohur”.

Ai paralajmëroi se pasojat e tarifave doganore mund të jenë shumë të rënda për Anglinë dhe botën dhe të gjitha opsionet janë në tryezë për t'u përballur me këtë krizë.

Trump, lajmëtari i recesionit ekonomik

Në të njëjtën kohë, gazeta angleze "The Guardian" i konsideroi politikat tarifore të presidentit amerikan si arsye për përhapjen e recesionit në Amerikë dhe rritjen e varfërisë në botë.

"The Guardian" shkroi të shtunën: “Dita, të cilën Trump e quajti 'ditë të lirisë ekonomike' do të jetë një ditë recesioni në Amerikë dhe vuajtje për njerëzit e botës”.

Autokratë të pakënaqur me pushtetin

Nga ana tjetër, Maxwell Frost, përfaqësues i Partisë Demokratike nga Florida, tha të shtunën: “Autokratët, përgjatë historisë, nuk janë kurrë të kënaqur me fuqinë që kanë. Shkelin ligjin dhe më pas presin reagimin e njerëzve, nëse njerëzit janë të heshtur apo po bërtasin?”

Fitorja e Venezuelës mbi luftën tregtare të Trumpit

Sipas agjencisë së lajmeve Mehr, të dielën, presidenti i Venezuelës Nicolás Maduro, gjithashtu, në lidhje me tarifat doganore të vendosura ndaj vendit të tij nga Shtetet e Bashkuara të Amerikës tha: “Karakasi do të triumfojë mbi problemet e luftës tregtare dhe ekonomike që presidenti amerikan Donald Trump i ka shpallur të gjithë botës”.

Amerika shkel rregullat e Organizatës Botërore të Tregtisë

Zëdhënësi i Ministrisë së Punëve të Jashtme të Kinës, Lin Jian, gjithashtu, të shtunën, në përgjigje të njoftimit për tarifa reciproke nga ana e Amerikës, tha: “Amerika, me pretekstin e reciprocitetit, ka rritur tarifat e importit nga shumë vende, përfshirë Kinën”.

Ai shtoi: “Ky veprim shkel rëndë rregullat e Organizatës Botërore të Tregtisë dhe dobëson sistemin tregtar shumëpalësh të bazuar në rregulla. Kina e kundërshton fuqishëm këtë veprim dhe do të marrë të gjitha masat e nevojshme për të mbrojtur të drejtat dhe interesat e veta legjitime”.