The Guardian: Amerika nuk ka më asnjë kredibilitet afatgjatë

Pars Today - Një gazetë britanike pranoi se Amerika po humbet gjithnjë e më shumë besueshmërinë e saj.

Vendimi i papritur i presidentit amerikan për të shtyrë tarifat për 90 ditë, ndërkohë që qetësoi përkohësisht tregun, është një shenjë e paqëndrueshmërisë së madhe që politikat e paparashikueshme të Shtëpisë së Bardhë i kanë imponuar rendit të tregut global. Nga rënia e vlerës së dollarit dhe rënia e besimit të publikut e deri tek konfuzioni i kompanive dhe investitorëve, gjithçka tregon për një hendek në rritje midis qëllimeve tregtare të Trump dhe realiteteve ekonomike globale. Sipas Pars Today duke cituar uebsajtin Khabar Online, gazeta Guardian në një analizë shkroi se ndryshimi i politikave të Presidentit të SHBA Donald Trump kur ai është nën presion është një mësim i madh për vendet evropiane. Amerika është diskredituar dhe Evropa duhet të mendojë që të zë vendin e Uashingtonit. The Guardian shkroi: Brukseli duhet t'i sigurojë botës një alternativë tjetër kundrejt kaosit të krijuar nga Amerika. Analiza thotë: "Kur tregjet humbasin 10 trilion dollarë në tre ditë dhe më pas fitojnë triliona vetëm në një pasdite për shkak të vendimeve të çrregullta të një individi shumë të korruptuar, mund të jeni të sigurt se një numër i vogël njerëzish kanë bërë shuma të mëdha parash nga kjo paqëndrueshmëri." Sipas kësaj analize, konkluzioni i parë i BE-së për këto zhvillime, përtej luhatjes së aksioneve, është se Trump tërhiqet kur është nën presion. Për më tepër, Evropa historikisht ka tentuar të mbivlerësojë fuqinë e Shteteve të Bashkuara dhe të nënvlerësojë fuqinë e saj. Bashkimi Evropian pa favorizime apo pa ndërhyrje ishte dëshmitar i rënies së bursave, e cila i dha një goditje të rëndë konceptit së pathyeshmërisë së ekonomisë amerikane. Analiza e Guardian thekson: Pjesa tjetër e botës po përgatitet për sjellje të paparashikueshme të SHBA-së dhe është gati të anashkalojë Amerikën. Prandaj, Klaus Wiesten, kryeekonomist i eurozonës në institutin e kërkimeve ekonomike Pantheon, beson se si rezultat i këtyre veprimeve, eliminon kredibilitetin afatgjatë të SHBA. Presidentja e Komisionit Evropian Ursula von der Leyen paralajmëroi se Bashkimi Evropian është i gatshëm të marrë kundër-masa, duke përfshirë vendosjen e taksave ndaj kompanive dixhitale amerikane, nëse negociatat tregtare me administratën Trump dështojnë. Ekspertët politikë besojnë se ky kërcënim vjen në një kohë kur mosmarrëveshjet tregtare midis Brukselit dhe Uashingtonit po përshkallëzohen në fushën e teknologjisë, automobilat dhe politikat industriale. Taksimi i gjigantëve dixhitalë amerikanë si Google, Amazon dhe Meta mund të ndezë një luftë të re tregtare midis dy anëve të Atlantikut.