Guardiola: Kur shoh imazhet e Gazës, më dhemb e gjithë qenia

Pars Today - Një trajner i njohur në botën e futbollit dënoi gjenocidin e regjimit sionist në Gaza.

Trajneri i njohur i skuadrës Manchester City, Pep Guardiola, foli për katastrofën humanitare në Gaza me një zë të mbushur me trishtim në një ceremoni për të marrë një diplomë nderi nga Universiteti i Mançesterit. I njohur si një nga figurat më me ndikim në futbollin botëror, këtë herë ai nuk foli për taktikat e futbollit, por për dhimbjet e fëmijëve palestinezë dhe i bëri thirrje botës të mos heshtë përballë kësaj padrejtësie.

Guardiola shtoi: “Kur shoh imazhet e Gazës, më dhemb e gjithë qenia. Ky nuk është më një diskutim për politikë apo ideologji, është çështje humanizmi.”

Duke iu referuar vrasjes së civilëve, veçanërisht fëmijëve palestinezë në Rripin e Gazës, ky trajner i njohur deklaroi: “Çdo ditë kur zgjohem dhe shoh fëmijët e mi, kujtoj fëmijët e Gazës; ata po viktimizohen. Nëse bota hesht, radha e kujt do të jetë nesër?"

Fjalët e Guardiolës nuk ishin vetëm një dënim, por një thirrje për të zgjuar ndërgjegjet e fjetura.

Ai theksoi se heshtja përballë shtypjes do të thotë të jesh me shtypësin dhe se çdo qenie njerëzore, kudo në botë, ka përgjegjësinë të bëjë çmos për t'i dhënë fund kësaj tragjedie njerëzore.

Më 7 tetor 2023, regjimi sionist nisi luftën kundër Rripit të Gazës me dy qëllime kryesore: shkatërrimin e Lëvizjes Hamas dhe kthimin e të burgosurve sionistë nga ky rajon, por dështoi në arritjen e këtyre qëllimeve dhe u detyrua të arrinte një marrëveshje me Lëvizjen Hamas për shkëmbimin e të burgosurve.

Më 19 janar 2025, bazuar në një marrëveshje midis Hamasit dhe regjimit sionist, u vendos një armëpushim në Rripin e Gazës dhe u shkëmbye një numër të burgosurish. Megjithatë, regjimi sionist refuzoi të hynte në fazën e dytë të negociatave për armëpushim dhe rifilloi agresionin e tij ushtarak kundër Rripit të Gazës në mëngjesin e 18 marsit, duke shkelur kushtet e armëpushimit.

Sipas Ministrisë Palestineze të Shëndetësisë në Gaza, numri i martirëve palestinezë që nga 7 tetori 2023 ka arritur në 54 mijë e 927 vetë dhe numri i të plagosurve ka arritur në 126 mijë e 615 vetë.