Uashingtoni; Bisedimet me palën ruse për Sirinë kanë dështuar
Uashingtoni deklaroi se bisedimet me palën ruse lidhur me vendosjen e armëpushimit në Siri kanë dështuar.
Sipas një njoftimi të kanalit Al Alam, Uashingtoni sot i cilësoi të dështuar përpjekjet dhe bisedimet me palën ruse për vendosjen e armëpushimit në Siri. Burimet amerikane kanë bërë përgjegjës Rusinë për këtë dështim dhe kanë thënë se Moska kë refuzuar të mbajë disa përgjegjësi në këtë çështje. Barack Obama presidenti i Amerikës më herët kishte thënë se Uashingtoni do të diskutojë me Moskën për armëpushimin në Siri ndërkohë që të dyja kanë punuar 24 orë në ditë për zgjidhjen e çështjes së Sirisë. Më herët DASH kishte njoftuar se deri tani nuk është arritur asnjë akord në negociatat mes palëve për çështjen e Sirisë. John Kerry dhe Sergei Lavrov ditën e hënë në kuadër të konferencës së krerëve të grupit G-20 në Kinë janë takuar për të diskutuar mbi krizën në Siri.
