Sulm me armë kundër policisë në Amerikë

Dy oficerë të policisë dhe katër civilë janë plagosur mbrëmë gjatë një incidenti me të shtëna me armë në Filadelfia të Shteteve të Bashkuara, incident ky që përfundoi me vrasjen e të dyshuarit.

Rreshteria Sylvia Young nga departamenti vendor i policisë, u qëllua plot tetë herë nga një person i armatosur gjersa qëndronte e ulur në makinën e sa. “Ai thjesht eci në drejtim të saj.. dhe e qëlloi me armë. Nuk tha gjë,” tha komisionari i policisë Richard Ross. Ai shtoi se i dyshuari ka shkrepur 15 plumba në drejtim të makinës se polices. Vlen të theksohet se qendra e statistikave për të shtëna me armë në Amerikë kohë më parë ka publikuar një raport në të cilin ka thënë se në 6 muajt e parë të vitit 2016, në Amerikë kanë ndodhur 24532 raste të sulmeve me armë dhe si pasojë e këtyre sulmeve janë vrarë 6303 persona dhe janë plagosur 12952 persona.